MISS PRE TEEN JUNIOR IDOL WORLD​​ !

 ការប្រកួតបវរកញ្ញាវ័យក្មេង​នៅប្រទេសថៃ

កាលពីថ្ងៃទី៣១ ខែមីនា និងយប់ថ្ងៃទី១ ខែមេសា ឆ្នាំ២០២៤ នៅទីក្រុងបាងកក ប្រទេសថៃ ដែលជាថ្ងៃចុងក្រោយមានការប្រកួតជ្រើសរើសបវរកញ្ញាវ័យក្មេងឆ្នាំ២០២៤​ ក្នុងនោះមានបវរកញ្ញាវ័យក្មេងរបស់ខ្មែរចំនួន៣រូបរួមមាន៖

១. កញ្ញា​ ល្អ ហួស ពាក់ស្លាកលេខ​២៣ គ្រងសម្លៀកបំពាក់ "រាជនីហង្សាវតីស្រីកម្ពុជា"

២. កញ្ញា យិត អេលីស ពាក់ស្លាកលេខ២៧ គ្រងសម្លៀកបំពាក់ "រាជនីតាមសមុទ្រនៃដែនគោកធ្លោកចង្កៀងកែវ"

៣. កញ្ញា ជា អមរាសូហ្វី ពាក់ស្លាកលេខ៦៣ គ្រងសម្លៀកបំពាក់ "ស្តេចដំរីសសង្រ្គាម"។ 

ការប្រកួតនេះគឺមានបវរកញ្ញាវ័យក្មេងមកពីបណ្តាប្រទេសនានាមួយចំនួនទៀត។ 

ការប្រកួតបវរកញ្ញាវ័យក្មេងនោះត្រូវបានបែងចែកចេញជាបីផ្នែកគឺ៖ បវរកញ្ញាក្មេងជំទង់តូច (Little Miss Junior Idol World 2024), បវរកញ្ញាយុវវ័យ (Miss Teen Junior Idol World 2024), និង​បវរកញ្ញាមុនវ័យជំទង់ (Miss Pre-teen Junior Idol World 2024)។

ការប្រកួតនេះប្រព្រឹត្តទៅយ៉ាងរលូន ក្នុងនោះដែរបវរកញ្ញា​ទាំង​បីផ្នែក​ ក្រៅពីការបង្ហាញការគ្រងឈុតសម្លៀកបំពាក់ជាតិ ក៏​ត្រូវបញ្ចេញសមត្ថភាពក្នុងការដើរបង្ហាញម៉ូដ ការឆ្លើយសំណួរជាភាសាអង់គ្លេសដើម្បីបង្ហាញអំពីសមត្ថភាពជំនាញទូទៅ​ដែលបវរកញ្ញាបានសិក្សារៀនសូត្រពីប្រទេសកំណើតរបស់​ខ្លួន និងសមត្ថភាពភាពប៉ិនប្រសព្វរបស់ខ្លួនតាំងពីកំណើត។

ជាលទ្ធផលបវរកញ្ញាខ្មែរទាំងបីដួងទទួលបានជ័យជំនៈយ៉ាងត្រចះត្រចង់ជូនជាតិមាតុភូមិក្នុងនោះ៖ ១. កញ្ញា ល្អហួស ទទួលបានជ័យលាភី ម្កុដបវរកញ្ញា Miss Pre-teen Junior Idol World 2024។​ ២. កញ្ញា យិន អេលីស ទទួលបានជ័យលាភី The 2nd Runner Up Miss Teen 2024 និងកញ្ញា ជា អមរាសូហ្វី ទទួលបានជ័យលាភី The 2nd Runner Up Little Miss Teen 2024។

អ្វីដែលគួរជាមោទនភាពខ្លាំងនោះគឺ បវរកញ្ញា ល្អហួស ថែមទាំងចេះរាំរបាំអប្សារា​ជា​សិល្បះនៃដួងព្រលឹងជាតិយ៉ាងល្អឥតខ្ចោះមកបង្ហាញអំពីទេពកោសល្យរបស់ខ្លួន​នៅលើកឆាកអន្តរជាតិ ដែលមានបណ្តាប្រទេសនានាចូលរួមប្រកួត​ និងទស្សនា​លើ​ប្រព័ន្ធបណ្តាញសង្គមជាច្រើន។​​ ទន្ទឹមនឹងនេះកញ្ញាមានសមត្ថភាពឆ្លើយសំណួរ​ពីគណៈកម្មការជាភាសាអង់គ្លេសយ៉ាងស្ទាត់ ជំនាញនិងមានទំនុកចិត្តលើខ្លួនឯង។ ទន្ទឹម​នឹងនោះ កញ្ញាក៏បានរៀនភាសាប្រទេសមួយចំនួនទៀតផងដែរ។

ក្រៅពីការលេចធ្លោនៅចំពោះមុខមហាជនជាតិ និងអន្តរជាតិអំពីបវរកញ្ញា ល្អហួស ក៏ស្រាប់តែលេចចេញនូវវីដេអូខ្លីបមួយ​ខ្លីបានធ្វើឱ្យ​មហាជនកាន់តែភ្ញាក់ផ្អើលនោះគឺ កញ្ញា ជា អមរាសូហ្វី ដែលមានទឹកចិត្តបរិសុទ្ធចេះអាណិតស្រឡាញ់អ្នកនៅជុំវិញខ្លួននៅបានយកដៃទៅជូតទឹកភ្នែកបវរកញ្ញាវ័យក្មេងម្នាក់កំពុងមានភាពឯកោនិងស្រក់ទឹកភ្នែកនៅពេលនាងកំពុងតែឈរនៅលើ​ឆាកប្រកួតបែរជាគ្មាននណា​ម្នាក់​ជូនបាច់​ផ្កាដើម្បីលើកទឹកចិត្តនាង។ ដោយឃើញស្ថានភាពដ៏ក្តុកក្តួលនេះ​ កញ្ញា ជា អមរាសូហ្វី ដែលកំពុងតែគ្រងសម្លៀកបំពាក់តំណាងជាតិមានឈ្មោះ "ស្តេចដំរីសសង្រ្គាម" ក៏ដើរសំដៅទៅបវរកញ្ញាម្នាក់នោះនូវទឹកមុខស្រទន់ប្រកបដោយក្តីអាណិតអាសូ​រ​ ហើយក៏យកដៃរបស់នាងទៅជូតទឹកភ្នែកទាំងសង្ខាងដែលកំពុងតែហូរកាត់តាមវង់ភក្រ្តដ៏ក្រៀមក្រំរកថ្លែងពុំបាននោះ។ ពេលនោះទឹកភ្នែករលីងរលោងរបស់កញ្ញា ជា អមរាសូហ្វី ក៏បានហូរប្រឹមៗបង្កប់នូវក្តីមេត្តា ករុណាធម៌ ដែលមនុស្សទូទៅកម្រនឹងមានចិត្តដ៏ផូផង់ដូច្នេះណាស់។ នេះហើយសារជាតិពិតរបស់នារីខ្មែរ ហើយក៏ជាមោទនភាពដល់​អ្នកម្តាយ លោកឪពុក ដែលបានអប់រំកូនស្រីម្នាក់នេះដ៏ល្អ មានគុណធម៌ និងចរិយាសម្បត្តិល្អគួរឱ្យគោរពសរសើរ។

តើក្រុមហ៊ុន Cambodia Partner CIC ជាក្រុមហ៊ុនបើកប្រាស់ឬ?

 ដំណើរបែកធ្លាយរបស់ក្រុមហ៊ុន CIC

នៅខែមេសា ឆ្នាំ២០២៤ នេះ​ មានរឿងរសើបលេចចេញជាច្រើនដែលមិននឹកស្មានដល់។ ថ្ងៃនេះខ្ញុំលើកយករឿងក្រុមហ៊ុន Cambodia Capital Partner CIC ដែលកំពុងតែផ្ទុះពេញប្រទេសត្រូវបានលើកយកមកធ្វើការ បង្ហាញដោយផេករបស់ក្មួយស្រី​ The Kanitha Show ដែលបានឆ្លើយតបទៅលោក​ Khem Sok Heng កាលពីថ្ងៃទី២២ ខែមីនា ឆ្នាំ២០២៤ នៅ Episode 450 ព្រោះតែមានអ្នកវិនិយោគខ្លះបានបញ្ចាក់ថាក្រុមហ៊ុន CIC របស់លោក Khema Sok Heng គឺជាក្រុមហ៊ុនបោកប្រាស់ ជាពិសេសក្រុមហ៊ុនក្រុមហ៊ុននោះបានប្រកាសក្ស័យធុន។ ប៉ុន្តែការលើកឡើងនេះត្រូវបានលោក Khmer Sok Heng បានឆ្លើយ តបទៅវិញថា ក្រុមហ៊ុនដែលបានលើកខាងលើគឺមិនមែនជាក្រុមហ៊ុនរបស់លោកទេគឺជាក្រុមហ៊ុនរបស់សហគមន៍។

Episode 451 កញ្ញាកន្និដ្ឋាក៏បានបញ្ជាក់បន្ថែមថា សូម្បីតែលោក គួច ម៉េងលី ក៏ជាជនរងគ្រោះដែរ ដោយ គាត់ត្រូវចាញ់បោកគេអស់ប្រាក់ប្រមាណ៣០ម៉ីនដុល្លា ក្នុងនោះលោកក៏ស្នើសុំទៅអាជ្ញាធរចាត់វិធានការទៅលើ ក្រុមហ៊ុនបោកប្រាស់មួយនេះផង ទន្ទឹមនឹងនោះកញ្ញាកន្និដ្ឋាក៏បានបញ្ជាក់បន្ថែមទៀតថា ទឹកប្រាក់ទៅដល់៩០លានដុល្លាឯណោះ ដែលមានជងរងគ្រោះទៅដល់រាប់ពាន់នាក់ទៀតផង។

Episode 452 កញ្ញាកន្និដ្ឋាក៏បានឆ្លើយតបទៅឯកឧត្តម ជិន ម៉ាលីន ដែលជាអ្នកនាំពាក្យរបស់ក្រសួងយុត្តិធម៌ ដេលបានឆ្លើយតបទៅនិងសំណុំរឿង CIC ដោយបញ្ជាក់ថាករណីរឿងនេះគឺមិនមែនដូចករណីរឿងរបស់ ឡេង​ចាន់ណា ទេ។ ទោះបីជាយ៉ាងនេះក្តីក៏កញ្ញា កន្និដ្ឋា បានស្នើសុំទៅអ្នកនាំពាក្យធ្វើការអង្កេតសិនទើបអាចដឹងថា ក្រុមហ៊ុននោះជាក្រុមហ៊ុនបោកឬមិនបោក។

Episode 43 កញ្ញាកន្និដ្ឋាបានឆ្លើយតបទៅនិងលោក សោម សម្បត្តិ ហេតុអ្វីបានជាលោកមិនទទួលបាននូវ របាយការណ៍លម្អិតពីក្រុមហ៊ុន CIC ដែលលោក្នុងនាមជាប្រឹក្សាភិបាលម្នាក់ក្នុងនោះផងដែរព្រោះក្រុមហ៊ុននេះ បានធ្វើឱ្យបាត់លុយក្រុមហ៊ុនដល់ទៅ៧២លានដុល្លា។​ នាងបានបញ្ជាក់ទៀតថា រឿងនេះកាន់តែចម្លែកទៅៗ ដោយសារតែនិយ័តករ (Regulator) មូលប័ត្រកម្ពុជា ព្រោះអង្គភាពនេះមានភារកិច្ចការពារផលប្រយោជន៍ វិនិយោគិនដែលជាម្ចាស់លុយ តែហេតុអ្វីបានជាអង្គភាពនោះមិនបានធ្វើសាវនកម្មទៅលើក្រុមហ៊ុន CIC នៅពេល ដែលក្រុមហ៊ុននោះប្រកាសបរាជ័យហើយថែមទាំងឈប់បង់ការប្រាក់ដល់អ្នកវិនិយោគិនដែរ។

តើអង្គរសង្រ្កាន្ត ឆ្នាំ២០២៤ មានអ្វីប្លែក?

តើអង្គរសង្រ្កាន្ត ឆ្នាំ២០២៤ មានអ្វីប្លែកជាងឆ្នាំមុនៗដែរឬទេ?

ប៉ុន្មានថ្ងៃបានកន្លងទៅមានការលើកឡើងពីពិធីករទូរទស្សន៍ហង្សមាសអំពីអង្គរសង្រ្កាន្តនិងមិនមានប្រព្រឹត្តទៅដូច​ឆ្នាំ​មុនៗទេ នោះក៏ព្រោះតែពាក្យថាសង្រ្កាន្តត្រូវបានប្រទេសថៃបញ្ចូលទៅក្នុងសម្បត្តិបេតិកភណ្ឌរបស់គេ​រួច​ទៅ​ហើយ។ មានអ្នកលេងលើបណ្តាញសង្គមខ្លះមួយចំនួនទៀតក៏បញ្ចេញមតិផ្សេងទៀតថា ប្រសិនបើខ្មែរប្រើពាក្យសង្រ្កាន្ត ប្រទេសថៃនិងប្តឹងយើងព្រោះ​ពាក្យសង្រ្កាន្តត្រូវបានក្លាយជាកម្មសិទ្ធរបស់ថៃរួចទៅហើយ។​ ករណីផ្ទុះការវែកញែកពាក្យសង្រ្កាន្តនេះឡើង នៅពេលដែលលោក មាស រិទ្ធី បានលើកឡើងនៅលើកញ្ចក់ទូរទស្សន៍ ហង្ស មាស មិនបានប៉ុន្មានផង ស្រាប់តែផ្ទុះកំហឹង​ពីសំណាក់មហាជននៅលើបណ្តាញសង្គមហ្វេសប៊ុកបានបង្ហាញមតិ​និងអារម្មណ៍មិនពេញចិត្ត ព្រោះពាក្យសង្រ្កាន​មិនមែនជារបស់ថៃតែម្នាក់នោះទេ ម្យ៉ាងវិញទៀតមហាជនក៏បានបង្ហោះរូបសង្រ្កាន្តដែលបានឆ្លាក់លើផ្ទាំង​សីលា​​​នៅ​លើបណ្តាប្រាង្គប្រាសាទនានាដើម្បីបញ្ជាក់ថា "ពាក្យសង្រ្គាន្ត" នេះគឺកើតមុនប្រទេសថៃបានកកើតទៅទៀតដូច្នេះហើយ​ពាក្យថា​ "សង្រ្កាន្ត" មិនគួរត្រូវបានបំបាត់ដោយគ្រាន់តែប្រទេសថៃបានដាក់បញ្ចូលទៅជាសម្បត្តិ​បេតិកភណ្ឌក្នុងប្រទេសថៃនោះទេ (Sangkran in Thailand)។

ដោយមានការផ្ទុះកំហឹងពីមហាជនដែលបានបញ្ចេញ មតិផ្សេងៗគ្នាអំពីពាក្យសង្រ្កាន្តនោះ​មក​​ ក៏លេចចេញនូវសេចក្តីថ្លែងការមួយរបស់សម្តេចធិបតី ហ៊ុន ម៉ាណែត ដែលបានបញ្ជាក់យ៉ាងច្បាប់ៗថា៖ សូម​ប្រជាជន​ខ្មែរ​កុំមានការភ័ន្តច្រឡំអំពីពាក្យសង្រ្កាន្តដែលថៃបានបញ្ចូលទៅជាបេតិកភណ្ឌជាតិរបស់គេ គឺត្រឹមតែប្រើ​ពាក្យ Sangkran in Thailand បានន័យថាគឺជាសង្រ្កាននៅក្នុងប្រទេសថៃ (មិនមែនជាសង្រ្កាន្តរបស់ថៃទេ) ការភ័ន្តច្រឡំនេះបណ្តាលឱ្យមានការទំនាស់រវាងជាតិសាសន៍ទាំងពីរទៅវិញ។​ រីឯខ្មែរក៏និងដាក់បញ្ជូនពាក្យ "សង្រ្កាន្ត" ទៅក្នុង​បេតិកភណ្ឌរបស់ខ្លួននាពេលខាងមុខដូចគ្នា ព្រោះពាក្យសង្រ្កាន្តត្រូវបានប្រើនៅតាមបណ្តាប្ររទេសនានា​មួយចំនួនដូចជាប្រទេសកម្ពុជា ប្រទេសថៃ ប្រទេសភូមា​ និងប្រទេសឡាវ។  ក្រោយពីមានការគូសបញ្ជាក់យ៉ាងច្បាស់ៗ​របស់​​

សម្តេចធិបតី ហ៊ុន ម៉ាណែត រួចមក ក៏អារម្មណ៍របស់មហាជនខ្មែរបានស្ងប់ទៅវិញបន្ទាប់ពី​ពួក​គាត់បានយល់អំពីអត្ថន័យ Sangkran in Thailand រួចមក។

សរុបមកសេចក្តីមក "បុណ្យសង្រ្កាន្ត" និងត្រូវបានប្រារព្ធនៅតាមបណ្តាខេត្ត-ក្រុងទូទាំងប្រទេស ដោយឡែកនៅអង្គរវត្ត ឯកឧត្តមដែលជាខេត្ត​សាម៉ីខេត្ត និងរៀបចំដោយខ្លួនឯង​ គឺមិនដូចការរៀបចំឡើងដោយសហភាពសហព័ន្ធយុវជនកម្ពុជា ដូចប៉ុន្មានឆ្នាំមុនៗនោះឡើយ។

ថ្ងៃទី១ នៃកិច្ចប្រជុំកំពូលអាស៊ាននៅរាជធានីភ្នំពេញ

     

បន្ទាប់ពីការឈប់សម្រាកបុណ្យអុំទូក បណ្តែតប្រទីប និងសំពះព្រះខែ អកអំបុក (Water Festival) អស់រយេះពេល៣ថ្ងៃ​កន្លងទៅថ្មីៗ កម្ពុជាក៏មានព្រឹត្តិការណ៍ជាប្រវត្តិសាស្រ្តមួយទៀតគឺកិច្ចប្រជុំកំពូលអាស៊ាន ដែលឆ្នាំនេះកម្ពុជាធ្វើជាម្ចាស់ផ្ទះ​ ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តីនៃព្រះរាជាណាចក្រកម្ពុជា។ ក្នុងនោះក៏មានប្រមុខ​រដ្ឋាភិបាលនៃបណ្តាប្រទេសអាស៊ាន (ASEAN) បានអញ្ជើញ​ចូលរួម លើកលែងតែប្រទេសភូមាមិនបានចូលរួម (កំពុងមានវិបត្តិផ្ទៃក្នុង)។ ជាងនេះទៅទៀត​ លោកប្រធានាធិបតីអាមេរិកក៏មានវត្តមានចូលរួមក្នុងកិច្ចប្រជុំកំពូលអាស៊ាននេះ​ផងដែរ។​ តាមការប្រកាសរបស់រាជរដ្ឋាភិបាលកម្ពុជាក៏បានអញ្ជើញប្រធានាធិបតីរុស្ស៊ីដើម្បីចូលរួមក្នុងកិច្ចប្រជុំកំពូលនេះ ក៏ប៉ុន្តែ​ខ្ញុំ​មិនទទួលបានព័ត៌មានជាផ្លូវការណាមួយដែលប្រកាសដោយរាជរដ្ឋាភិបាលថា​ លោកប្រធានាធិបតីរុស្ស៊ី​ ពូ ទីន មានវត្តមានក្នុងកិច្ចប្រជុំកំពូលនេះទេ។​ 

ជាទូទៅខ្ញុំតែងតែទៅលេងផ្ទះនៅខេត្តព្រះសីហនុ ដើម្បីសម្រាកលំហែរកាយ ហើយក៏ជាឱកាសដ៏ល្អបំផុតដែលឆ្នាំនេះបាន​ឈប់សម្រាករយ:ពេលយូរដោយសារតែប្រទេសកម្ពុជាត្រូវធ្វើជាម្ចាស់ផ្ទះក្នុងការរៀបចំកិច្ចប្រជុំកំពូលអាស៊ាន ទើបក្រសួង​អប់រំយុវជន​និងកីឡា បានប្រកាសអនុញ្ញាតឱ្យសិស្សានុសិស្សនៅរាជធានីភ្នំពេញឈប់សម្រាករយេ:ពេល៣ថ្ងៃបន្ថែម ក្នុងគោល​បំណងដើម្បីបញ្ចៀសការកកស្ទះចរាចរនៅរាជធានីភ្នំពេញនៅអំឡុងពេលដ៏សំខាន់សម្រាប់ប្រទេសជាតិនេះ។ 

ខ្ញុំហាក់ដូចជាមិនដឹងថាទៅណា ដំបូងក្នុងថ្ងៃដំបូងនៃពិធីបុណ្យអុំទូក ខ្ញុំក៏បានទៅផ្ទះនៅខេត្តព្រះសីហនុ ដើម្បីប្រមូលឯកសារ​មួយ​ចំនួនសម្រាប់ប្រើប្រាស់។​ ក្រោយពីរកឃើញឯកសារដែលត្រូវការជាចាំបាច់រួចមក ខ្ញុំក៏ជិះរថយន្តក្រុង (ក្រុមហ៊ុនសូរិយា) នៅវេលាម៉ោង៣:៣០នាទីរសៀល ដើម្បីធ្វើដំណើរពីខេត្តព្រះសីហនុ មករាជធានីភ្នំពេញវិញ។ រថយន្តក្រុងបានមកដល់ភ្នំពេញនៅវេលាម៉ោង៩:១៥នាទីយប់។ ព្រឹកឡើងខ្ញុំក៏ចាប់ផ្តើមប្រមូលឯកសារដែលសំខាន់ៗ ដើម្បីរៀបចំសម្រាប់ប្រើប្រាស់បន្ទាប់ពីថ្ងៃឈប់​សម្រាកនាកិច្ចប្រជុំកំពូលអាស៊ានបានបញ្ចប់។​

នៅព្រឹកថ្ងៃ​ព្រហស្បត្តិ៍ ទី១០ ខែវិច្ឆិកា ឆ្នាំ២០២២នេះ ខ្ញុំបានទៅហាងកាហ្វេមួយក្នុងចំណោមហាងកាហ្វេដែលមានស្លាកយីយោ ប្រោន (Brown Cafe) ដើម្បីទទួលទានកាហ្វេគ្រាន់លំហែអារម្មណ៍អស់រយេះពេលជិត២ម៉ោង ដោយអង្គុយមើលព័ត៌មានជាតិ​និងអន្តរជាតិនៅលើទូរស័ព្ទសាំងសុងបត់ទី៣របស់ខ្ញុំ។​​ បន្ទាប់មកខ្ញុំក៏ត្រឡប់មកផ្ទះវិញដើម្បីគេងសម្រាកបន្ទាប់ពីទទួលទានអាហារ​ថ្ងៃត្រង់រួចមក។​ ចម្លែកណាស់នៅត្រង់ថាមួយរយេះនេះខ្ញុំហាក់ដូចជាគេងមិនបានស្ងប់ទាល់តែសោះ បើទោះបីជាខ្ញុំមាន​ពេលសម្រាកជាច្រើនថ្ងៃក៏ដោយ ប្រហែល​មកពីខ្ញុំជាមនុស្សចូលចិត្តគិតច្រើនតាំងពីនៅវ័យជំទង់ បានន័យថាខ្ញុំបានចាក​ចេញពីផ្ទះស្វែងរកការងារធ្វើតាំងពីខ្ញុំមានអាយុ១៦ឆ្នាំ (មិនទាន់គ្រប់អាយុធ្វើការ)​ តែដើម្បីមានការងាររដ្ឋធ្វើ ខ្ញុំក៏បានតម្លើងអាយុរហូតដល់១៨ឆ្នាំ (នៅឆ្នាំ១៩៨២) គឺចូលបម្រើការងារជាយុទ្ធជននគរបាលនៃស្នងការដ្ឋាននគរបាលក្រុងព្រះសីហនុ (ជំនាន់នោះគឺហៅថា មន្ទីរនគរបាលប្រជាជនក្រុងកំពង់សោម)។ ខ្ញុំនៅចាំថា នៅពេលប្រជុំប្រចាំខែ លោកប្រធាននគរបាលក្រុង​គឺសមមិត្ត ខាំ ហ្វាន់ រីឯអនុប្រធានមន្ទីរ២នាក់ទៀតគឺ សមមិត្ត ឯម ប៊ុនសាត និងសមមិត្ត ចាន់ ស៊ីផុន (ពេលនោះថ្នាក់ដឹកនាំមន្ទីរមានត្រឹមតែ៣នាក់តែប៉ុណ្ណោះ) តែងតែប្រកាស់ចំនួននគរបាលនៅក្នុងទីក្រុង គឺមានតែចំនួន១៨នាក់ តែប៉ុណ្ណោះ គឺមិនរាប់បញ្ចូលទៅនឹងបុគ្គលិកនគរបាលនៅ​តាមស្រុក-ខណ្ឌនៅឡើយ។

វិបត្តិកូវីដ១៩ឆ្នាំ២០១៩ ដល់ឆ្នាំ២០២១ (នៅតែបន្ត)

តើជម្ងឺកូវីដ១៩កើតឡើងដោយសារអ្វី?

អស់រយៈពេលជិត៣ឆ្នាំកន្លងមកហើយ ដែលចម្ងល់នេះនៅតែបង្កប់នៅក្នុងភាពមន្ទិលសង្ស័យ​ ដោយគ្មានប្រភពណាបកស្រាយជាក់លាក់អំពីប្រភពជម្ងឺដ៏កាចសាហាវនេះនោះឡើយ។ បណ្តាប្រទេសមហាយក្សតែងតែចោទប្រកាន់គ្នាទៅវិញទៅមក សូម្បីតែអង្គការសុខភាពពិភពលោក WHO ដែលជាអង្គការសាម៉ីក៏មិនទាន់ប្រកាសចេញនូវព៍ត៌មានជាក់លាក់អំពីជម្ងឺកូវីដ១៩ផងដែរ។

ទស្សនៈអំពីវិមានឈ្នះឈ្នះ!!!

វិមានឈ្នះឈ្នះរបស់សម្តេចតេជោ ហ៊ុន សែននាយករដ្ឋមន្រ្តីនៃ ព្រះរាជាណាកម្ពុជា ត្រូវបានដាក់ សម្ពោធឡើងនៅថ្ងៃសៅរ៍ ទី២៩ ខែ ធ្នូ ឆ្នាំ២០១៨ ក្នុងគោលបំណងរំលឹក
ឡើងវិញនូវការតស៊ូដ៏ស្វិតស្វាញទាំង ផ្នែកយោធា និង​ផ្នែកនយោបាយ​តាមរយៈគោលនយោបាយឈ្នះៗ​ដែលធ្វើអោយមេដឹកនាំខ្មែរក្រហម និងកម្លាំងទ័ពខ្មែរក្រហមទាំងមូល បានសុខចិត្តចុះចូលរួមនឹងរាជ​រដ្ឋាភិបាលនៅខែ ធ្នូ ឆ្នាំ១៩៩៨ បាននាំយកនូវសន្តិសុខទូទាំងប្រទេសជូនប្រជាជនកម្ពុជាសព្វថ្ងៃនេះ។

ទោះបីមានទស្សនៈផ្សេងៗ  មានការរិះគន់ និងវាយប្រហារ ការសម្ពោធ វិមានឈ្នះឈ្នះនេះ​ក៏ ដោយក៏ប៉ុន្តែខ្ញុំអាចចងចាំយ៉ាង ច្បាស់ អំពីដំណើរជីវិតរបស់ ខ្ញុំចាប់ តាំងពីកុមារភាពរហូតដល់​គោល​នយោបានឈ្នះឈ្នះ នេះបានលេច ចេញជារូបរាង និងនាំយកមក នូវសន្តិសុខជូនប្រជាជនកម្ពុជា និងសម្រាប់រូបខ្ញុំបាទផងដែរ។

ប្រជាជនកម្ពុជាបានរងទុក្ខ លំបាក ជាច្រើនទស្សវត្សរ៍មកហើយ គឺ​ស្គាល់ តែសង្រ្គាម និងការព្រាត់ ប្រាស់ គ្រួសារ។ ប្រជាជននាសម័យនោះបាត់ឱកាសរៀនសូត្រ​ដោយសារតែគេចគ្រាប់ផ្លោង សាលារៀន មន្ទីរពេទ្យ ផ្ទះសម្បែង ត្រូវបានបំផ្លិចបំផ្លាញដោយសារ​សង្រ្គាមស៊ីវិល បង្ហូរតែឈាមខ្មែរគ្នាឯង មិន ខុសអ្វីពីស្ថានភាពដ៏ដុនដាបនៅប្រទេសស៊ីរីនាពេល​បច្ចុប្បន្នឡើយ។

អ្វីដែលយើងទាំងអស់គ្នាត្រូវគិតបន្ត នោះ មិនមែនការហែកហួរគ្នា មិនមែនការផ្តួលរំលំរដ្ឋាភិបាល តែត្រូវចូលរួមរិះរកមធ្យោបាយ ធ្វើយ៉ាងណា ក៏សាងប្រទេសយើង អោយកាន់តែមានភាពរីកចម្រើន ប្រជាជនគួរតែសហការជា មួយរាជ រដ្ឋាភិបាល គាំទ្រនូវគោល នយោបាយកាត់បន្ថយភាពក្រីក្រ ធ្វើយ៉ាងណា​កុំអោយមានគម្លាត រវាងអ្នកក្រ និងអ្នកមានខ្លាំងពេក រួចចាប់ដៃគ្នាទៅប្រកួតប្រជែងជាមួយ​បណ្តាប្រទេសជិតខាងផ្នែកសេដ្ឋកិច្ច។

ទស្សនៈរបស់ខ្ញុំយល់ឃើញថា ប្រសិនបើប្រទេសយើងគ្មានសន្តិសុខភាពទេនោះ យើងពិតជាគ្មាន ឱកាសដើម្បីអភិវឌ្ឍ  សេដ្ឋកិច្ច​គ្រួសារ និងសេដ្ឋកិច្ចជាតិយើងបានឡើយ។ បច្ចុប្បន្ននេះ ប្រទេស​យើង​បានក្លាយជាប្រទេសមានសិទ្ធស្មើនិងប្រទេសនានាថ្វីបើប្រទេសយើងជាប្រទេសតូច ក៏ប៉ុន្តែយើង មាន​ឯករាជភាពពេញលេញ ឈរត្រង់ ដើរត្រង់ ដូចបណ្តាប្រទេសដ៏ទៃដែរ សូមរក្សាសន្តិភាពនេះ អោយ​បាន​គង់វង្សសម្រាប់កូនចៅយើងជំនាន់ក្រោយបានស្គាល់តែភាពរុងរឿង។​

MY WEEKEND!!!

Now I am at AEON Mall to sit in the Costa Coffee Shop at the ground floor. I am opening my iPad Pro 9.7 and sign in my blog to drop lines on it for my entertainment. It is my documentary, which I have written for a long time. I sometimes open my blog to surf the information when I need them. My favorite activities are preparing things for my tomorrow work or jotting down some of my experiences in my life on my personal diary.

There are many things of my plans which I have not yet done. However, I am trying to complete them before I am going to start the new steps. There are two options to be chosen. The two options are good so that I have to think carefully before I am going to make up my mind. I love my work so much because it is my favorite. I have always spent most of my times on my works. I want my staffs are active and creative people. I also want my staffs to work with hi-technology because they just spend a little time, but they are able to get big achievement.

I have stopped working for the government (my previous job as police officer) since 2016 because I did not have enough time for it.  There are many reasons, which I decided to quit my previous job because I need my children to study at BELTEI International School and I am also able to use my experiences to apply with my job at BELTEI International School. On the other hand, my boss, H.E. LY Chheng, is a good person, whom I have met and worked for him for 10 years. In fact, being a top leader should be reflexcible and adapted to the real situations.

Talking about my two options which I have monetioned above, I think I might be chosen the last option because I really want to transfer the basic hi-technology to my staffs for work. There are many things to do everyday (a pile of works) for staffs of BELTEI so that they need know how to use the hi-technology for help and make it easier. For instance, BELTEI International School has set up a lot of programs for the students. They students will be the benefit from them. When the students of BELTEI graduated Grade 12 from BELTEI, they will be easy to catch the lesson from the oversea university and get all the experiences from BELTEI to apply with their studies at overseas.

It is not difficult for BELTEI students, who have chance to study abroad. They have already trained the new things, so they just use their previous experiences to the new situation only. For these reasons all staffs who are working for BELTEI also need to update their general knowledge including the hi-technology. Hi-technology can help them to combine many big things to the small one. Therefore, they can also save their time for long hour to the short time for these works as well.  I can say a good teacher should make a complexible lesson to an easy lesson from the book to each his/her students. When the students understand his/her lessons, they are happy to learn with their teacher, and they will earn their knowledge from school. On the other hand, these students have strong a confident to do the National Exam because they have practiced from homework, monthly test, semester exams already.